Gazeta amerikane, Washington Examiner, shkruan në një artikull të saj se agjenti i lartë i diskredituar i FBI-së, Charles McGonigal, është përfshirë në një skemë gjobëvënie në Shqipëri. I implikuar në këtë skemë është edhe kryeministri shqiptar, Edi Rama.
Gazetari John Schindler, thekson se SHBA po bën një sy qorr, edhe pse Edi Rama ka ngritur një narkoshtet në Shqipëri.
Në shkrim thuhet se zemra e këtij skandali në fakt është goditja e kreut të opozitës, Sali Berisha.
“Vrapimi pas drogës nuk është më i keqi. Shqipëria është një aleat i SHBA dhe një anëtar i vlerësuar i NATO-s, megjithatë administrata e Biden ka ndërhyrë vazhdimisht në politikën e brendshme të një miku dhe aleati për arsye që janë të vështira për t’u deshifruar. Zemra e skandalit përfshin Sali Berishën, ish-presidentin dhe kryeministrin e vendit.
Megjithëse Berisha është një figurë e rëndësishme e Partisë Demokratike të qendrës së djathtë, ai u sanksionua nga Shtetet e Bashkuara në vitin 2021 për korrupsion të dyshuar.
Ndërsa përpjekja për të gjetur një politikan pa korrupsion në Shqipëri është po aq sfiduese sa të gjesh një kryebashkiak të pastër në Çikago, askush që është i informuar për Shqipërinë- si ish-drejtor teknik i Divizionit të Ballkanit në Agjencinë e Sigurisë kombëtare, do e përfshij vetën në atë listë- nuk mendon se Berisha dhe demokratët e tij janë më të korruptuar se Rama dhe socialistët e tij. (Shumica do të thoshin më pak).
Financial Times la të kuptohet se çfarë po ndodh këtu: ‘Berisha, një ish-president dhe kryeministër, pretendoi se futja e tij në listën e zezë të SHBA në vitin 2021 ishte rezultat i kontakteve të supozuara të Ramës me McGonigal’.
Vendimi i SHBA, ‘tetë vite pasi u largova nga pushteti… bazohet tërësisht në fuqinë lobuese të Edi Ramës’.
Edhe pse tronditja ballkanike e McGonigal filloi nën administratën e Trump, Shtëpia e Bardhë e Biden ka mbikëqyrur ndërhyrjen më të thellë dhe më të dyshimtë amerikane në politikën shqiptare për të ndihmuar Ramën dhe dëmtuar Berishën,” shkruan gazeta.
Discussion about this post