Në një intervistë të gjatë të dhënë për revistën ‘Confidenze’, Wanda Nara foli sërish për tradhtitë e ish-burrit të saj Maxi Lopez.
Tradhtitë që, pavarësisht kalimit të kohës, menaxherja e Mauro Icardit ende nuk ka arritur t’i harrojë.
“Unë isha shumë e njohur në vendin tim. Të them të vërtetën jam akoma. Por kur u martova me Maxi Lopez hoqa dorë nga gjithçka dhe e ndoqa atë në Itali. Pikërisht sepse pranova të largohesha nga Argjentina dhe hoqa dorë nga karriera për t’i lejuar Maxi të realizoj ëndrrën e tij, nuk mund ta falja pabesinë, “-tha Wanda.
“I mblodha gjërat, pelenat dhe me tre fëmijë të vegjël u ktheva në vendin tim, edhe pse e dija se nuk do të ishte e lehtë të filloja përsëri punë pas një shkëputjeje të gjatë. Sigurisht, ka shumë gra që arrijnë të pretendojnë për asgjë dhe e falin tradhtinë. Por unë nuk munda, respekti për veten nuk më lejoi. Unë nuk meritoja një tradhti“-shtoi ajo.
Ndërsa më tej ajo ka folur edhe për historinë e dashurisë me Mauro Icradin. Wanda Nara u takua me burrin e saj aktual, kur ai ishte 19 vjeç dhe luante për Sampdoria.
“Ai ishte shumë i ri, por ishte e qartë se ai ishte ndryshe, i veçantë. Ai kurrë nuk i bën gjërat sepse janë në modë, ai nuk shtiret dhe thotë atë që mendon. Ai është një njeri i vërtetë. Për këtë arsye, që nga momenti që historia jonë filloi, unë kurrë nuk kam pasur frikë se ai do të më tradhtonte ”,-theksoi Nara.
Wanda më pas zbuloi ëndrrën e Icardit: të shkonte të jetonte në fshat dhe të kujdesej për të gjithë familjen sapo të ndalonte së luajturi./Gijotina.com
