Wayne Rooney, legjenda e Manchester United dhe tashmë trajneri i DC United në MLS, ka një këshillë për trajnerin e “Djajve të Kuq”, Erik ten Hag, para ndeshjes kundër Liverpool që zhvillohet të hënën.
“Nëse do të isha në vendin e ten Hag, unë nuk do të luaja me Ronaldon dhe Rashford ndaj Liverpool. Shqetësimi im kryesor do të ishte energjia dhe freskia e skuadrës në fushë.
United, dështoi të transferonte një numër nëntë dhe kjo do të thotë se i kanë ende shpresat te Ronaldo, të cilin e aktivizuan ndaj Brentford, por duket që ai nuk është stërvitur mjaftueshëm me skuadrën.
Duket se Ronaldo ka nevojë për kohë që të mbërrijë në formën e duhur fizike dhe mendoj se është më mirë që ndaj Liverpool ta nisë nga stoli. Është e vërtetë që futbolli ka evoluar, por në gjenezë nuk ndryshon.
Nëse nuk vrapon në fushë dhe nëse nuk angazhohesh mjaftueshëm, atëherë çdo skuadër mund të të mposhtë. Dhe unë kurrë nuk e kam parë Manchesterin të vuajë në pjesën bazë të futbollit”, është shprehur Rooney.
Discussion about this post