WhatsApp ka prezantuar një mori opsionesh të reja. Pjesa më e madhe e tyre janë të vogla, por përditësojnë në mënyrë të gjithanshme platformën. WhatsApp është përpjekur të bëjë ndryshime te telefonatat, bisedat dhe kanalet (channels).
Gjatë videotelefonatave, përdoruesit do të mund të zmadhojnë pamjen e bashkëbiseduesit. Ky është një opsion ekzistues në FaceTime, por në rastin e WhatsApp ka pasur vonesa dhe tani është rregulluar.
Nëse jeni përdorues i iPhone që përdorni më shumë WhatsApp sesa iMessage për të shkëmbyer mesazhe, tani mund ta vendosni aplikacionin si kryesor. Në versionin e ri të iOS mund të shkoni në Settings, Default Apps dhe të zgjidhni WhatsApp si aplikacionin kryesor të dërgimit të mesazheve.
Aplikacioni po integron edhe jetën tuaj të përditshme përmes përditësimit të ngjarjeve në bisedat personale dhe grupet e tyre.
Përdoruesit e iPhone mund të skanojnë dhe të dërgojnë dokumente direkt nga WhatsApp.
Përdoruesit mund të dërgojnë mesazhe video (si mesazhet zanore) në kanale duke lejuar drejtuesit që të regjistrojnë dhe ndajnë menjëherë video deri në 60 sekonda.
Njoftimet e rëndësishme mund të nxirren veçmas duke i dhënë rëndësi temave në grupin e bisedës.
Meta AI, buton i cili mund të kryejë shumë funksione, por fakti që përdoruesit nuk mund ta heqin i ka acaruar së tepërmi.
Falë një opsioni të ri, mund të shihni statusin në kohë reale të çdo anëtari në një bisedë në grup dhe kuptoni kush është online dhe kush jo apo thjesht po hesht.
Discussion about this post