Aktori me famë botërore, Will Smith, në një rrëfim nga kujtimet e tij, të botuar në revistën “People”, ai tregon historinë tronditëse të familjes dhe se si kishte menduar të vriste babain për t’u hakmarrë, pasi kishte abuzuar me nënën e tij.
Aktori flet për mjedisin toksik në të cilin është rritur me babain, Willard Carroll Smith Sr. dhe nënën Caroline Bright.
“Babai im ishte i dhunshëm por ai ishte gjithashtu në çdo lojë dhe recital. Ai ishte alkoolik, por ishte i matur në çdo premierë të filmave të mi. Dëgjonte çdo regjistrim, vizitonte çdo studio.”, tha ai. “Kur isha 9 vjeç, pashë babain tim duke goditur nënën time në kokë aq fort sa u rrëzua. E pashë gjakun përtokë.“, shtoi ai.
Will kujtoi në libër se si ndihej për babain vite më vonë, pasi u diagnostikua me kancer.
“Një natë, ndërsa e çova nga dhoma e gjumit drejt banjës, një errësirë u ngrit brenda meje. Si fëmijë gjithmonë i thoja vetes se një ditë do të hakmerresha për nënën. Se kur të isha mjaftueshëm i madh, kur të isha mjaft i fortë, kur të mos isha më frikacak, do ta vrisja”.
Discussion about this post