“Wrestling” për radhën e check in-it, dalin pamjet e përleshjes së shqiptarëve në aeroport

Mediat italiane kanë publikuar pamjet e sherrit mes shqiptareve për radhën e check in në aeroport.
Shqiptarët janë përfshirë në përleshje mes tyre, ndërsa ndodheshin në aeroportin e Umbrias në Perugia. Pasagjerët ishin duke kaluar në radhë për tu ngjitur në avionin e drejtuar drejt Tiranës, kur një grup shqiptarësh u përfshinë në një sherr, i cili nisi fillimisht me një debat me fjalë dhe më pas ato janë zëvendësuar nga shkelmat e grushtat.

Sipas dëshmitarëve, në veçanti janë rrahur me njëri-tjetrin dy persona.
‘Njëri prej tyre përfundoi në tokë, ndërsa personi tjetër që qëndronte sipër veç e godiste me grushte, si në një raund MMA’, – ka treguar një dëshmitar.
Është dashur ndërhyrja e policisë aeroportuale për të shuar zënkën. Ende është i paqartë shkaku i sherrit të madh. Të paktën 3 persona kanë mbetur të plagosur, të cilët janë shtruar në spital për tu mjekuar nga plagët e marra në sherrin e dhunshëm.
Policia ka nisur hetimet dhe ka marrë dëshmitë e personave të shumtë që ndodheshin aty dhe pamjet e kamerave të sigurisë.