Real Madridi ka pësuar humbje të thellë me rezultatin 5-2 në derbin ndaj Atleticos në kuadër të javës së shtatë në elitën e futbollit spanjoll.
Kjo humbje e thellë pas gjashtë fitoreve radhazi nuk është pritur aspak mirë nga trajneri i Real Madridit, Xabi Alonso, i cili pas ndeshjes pati kritika për ekipin e tij.
“Ishte një ndeshje e keqe. Nuk ishim aspak mirë. Pa justifikime, na vjen keq.
Na munguan shumë gjëra. Kjo humbje dhemb. Do ta përdorim këtë për të mësuar nga gabimet tona.
Nuk gjetëm zgjidhje, ishte një ndeshje e dobët. E merituam humbjen.
I dhamë kundërshtarit shumë dhurata. Ua dhamë gjithçka, dhe nuk konkurruam. E merituam humbjen, pa dyshim.
Nuk duhet të harrojmë rrugën e mirë që kemi ndjekur. Sigurisht që kur ndodh një humbje kaq e rëndë, të dhemb, por duhet të kthehemi te ajo që dimë të bëjmë mirë, dhe duhet të reagojmë tani”, ka deklaruar tekniku spanjoll.
“Los Blancos” tani do të fokusohen tek Liga e Kampionëve, ku të martën do të luajnë në udhëtim ndaj Kairat Almatyt në Kazakistan.
Discussion about this post