Barcelona po zhvillon një sezon të mirë në La Liga, duke kryesuar bindshëm përballë rivalëve. Meritë ka kryesisht mbrojtja e këtij ekipi që nuk e ka lejuar portën e Ter Stegen të rrezikohet nga skuadrat kundërshtare.
Linja mbrojtëse që përdori Xavi në ndeshjen e Barcelonës kundër Cadizit, ajo e formuar nga: Kounde, Christensen, Erik Garcia dhe Balde, ishte e paprecedentë këtë vit. Në fakt, ishte përbërja e 26-të në 34 ndeshjet zyrtare, që Barcelona ka luajtur deri më tani në sezon, një numër shumë i madh krahasuar me ato të mëparshme.
Një lëvizje kaq e madhe mbrojtëse është për shkak të disa faktorëve. E para, janë dëmtimet e Kounde, Christensen, Araujo, Bergerin dhe Sergi Roberto. Ato e kanë detyruar trajnerin e ‘blaugranas’ të riorganizojë pozicionet dhe madje të zhvendosë lojtarët në pozicionet e tyre të pazakonta.
Duhet mbajtur parasysh, për më tepër, se Pique ishte në formacion deri në ndërprerjen e Botërorit dhe mbuloi edhe disa humbje për shkak të dëmtimeve. Tani është një gjë e së kaluarës nga klubi. Për shkak të mungesave, Xavi ripërdori Marcos Alonso si qendërmbrojtës. Te Chelsea ai nuk u përdor mjaftueshëm në këtë pozicion, por te Barça është mësuar të luajë edhe në këtë pozicion.
Përveç kësaj, ka edhe arsye teknike. Trajneri katalanas nuk u bind nga ecuria e mbrojtësve të djathtë dhe ka përfunduar duke përdorur pesë lojtarë. Ai e ka nisur me dyshen Sergi Roberto-Bellerin, por ka përdorur edhe Balde-Araujo dhe në një masë më të madhe Kounden, i cili po bëhet gjithnjë e më i fortë.
Me Sergi Roberton kanë vepruar tetë mbrojtje të ndryshme, ndërsa me Kounden arrijnë në gjashtë, si me Bergerin. Linja mbrojtëse më e përdorur është ajo e formuar nga Kounde, Araujo, Eric Garcia dhe Balde, që u rreshtuan kundër Valladolid, Sevilla dhe Elche në La Liga plus Real Sociedad në Kupa e Mbretit. Më pas është ai i përbërë nga Kounde, Araujo, Christensen dhe Balde kundër Atlético, Betis dhe Villarreal.
Ja tetë kompozimet me Sergi Roberton:
Sergi Roberto – Christensen – Kounde – Alba
Sergi Roberto – Christensen – Eric Garcia – Marcos Alonso
Sergi Roberto – Christensen – Marcos Alonso – Alba
Sergi Roberto – Kounde – Eric Garcia – Balde
Sergi Roberto – Kounde – Marcos Alonso – Alba
Sergi Roberto – Kounde – Christensen – Balde
Sergi Roberto – Eric Garcia – Pique – Makos Alonso
Sergi Roberto – Araujo – Kounde – Alba
Discussion about this post