Presidenti i Barcelonës, Joan Laporta ka sqaruar sot situatën te klubi i tij pas shkarkimit të trajnerit Roland Koeman dhe vendosjes në krye të stolit katalanas të Xavi Hernandez, gjë e cila është duke u diskutuar shumë kohët e fundit.
Ndërsa ka falënderuar Koeman, Laporta ka theksuar se shkarkimi i tij duhet të kishte ndodhur më përpara.
Më tej ka shtuar se ka kontaktuar me Xavin, por në ndryshim çfarë po qarkullon në media kreu i Barçës ka thënë se ende nuk ka një marrëveshje.
“Sigurisht marrëdhënia me Koeman mund të shkëputej më shpejt, pasi gjërat dukej që nuk po shkonin mirë, megjithatë për këtë e marr unë përgjegjësinë. Pasi e konfirmova herën e parë, ne mposhtëm Valencian dhe Dinamon e Kievit, por së fundi situata u bë e papranueshme.
Mund të them se ndaj Alaves dhe Dinamos së Kievit në mesjavën e ardhshme, trajner do të jetë Sergi Barjuan, pasi duam të mos mbetemi mbrapa në kampionat. Nuk mund të zbuloj emrat e kandidatëve për trajner, pasi është jo profesionale, por ju garantoj se po punojmë për të nënshkruar. Xavi po bën shumë mirë te Al Sadd dhe të gjithë më flasin mirë për të. Për më tepër, edhe unë vetë kam qenë në kontakt të vazhdueshëm gjatë këtyre dy muajve dhe ai e di mirë organikën që kemi në dispozicion dhe çfarë duhet të bëjmë për të dalë nga kjo situatë, megjithatë nuk ka ende një marrëveshje”, -deklaroi ai.
Kështu që duket se skuadra e Barcelonës do vazhdojë të drejtohet për disa kohë nga trajneri i Barcelona B, Sergi Barjuan./K.T/Gijotina.com
