Dikur shihej si premtimi më i madh i futbollit spanjoll dhe atij europian por dëmtimet e kushtëzuan karrierën e tij.
Ansu Fati ka vendosur të largohet nga Barcelona, raporton Manu Sainz i Diario AS.
Lojtari urdhëroi përfaqësuesit e tij që t’i gjenin një klub të ri. Disa klube të mëdha janë tashmë të interesuara për nënshkrimin e tij. Deri më tani, Arsenali, West Ham dhe Al Hilal kanë shprehur interesim për të transferuar Fatin.
Disa javë më parë, Xavi i tha sulmuesit se largimi do të ishte gjëja më e mirë. 20-vjeçari më vonë u përpoq të provonte vlerën e tij në parasezon, por nuk ia doli.
I dalë nga akademia e Barçës e kupton se do të ketë pak shanse për të provuar veten këtë sezon duke parë që Xavi preferon lojtarë të tjerë, në rolin e tij si Yamal dhe Abde.
Vlera e vlerësuar e Ansu Fatit është 35 milionë euro. Ai shënoi 10 gola dhe dha 4 asistime për katalanasit sezonin e kaluar.
Discussion about this post