Trajneri i Barcelonës, Xavi Hernández, ka reaguar pas skualifikimit nga Champions League, teksa nuk e ka fshehur zhgënjimin pas humbjes ndaj Bajernit, ndonëse gjithçka ishte e qartë pas fitores së Interit ndaj Plzenit. Gjatë komunikimit për media, Xavi ka falënderuar tifozët, duke premtuar reagim në La Liga.
“Duhet të përballemi me një realitet të trishtë për ne. Për fat të keq nuk jemi ngritur në nivelin e tifozërisë sonë që ka qenë e mrekullueshme. E sigurt se eliminimi para se të zbrisnim në fushë na ka kushtëzuar psikologjikisht. Ishim të vetëdijshëm se u gjendëm në një grup tepër të ndërlikuar. Ka qenë kompeticion mizor për ne, por duhet të shohim përpara sepse sezoni nuk mbaron në tetor. Nga jashtë duket një dështim spektakolar, por nga brenda do të bëjmë një analizë të thellë”, ka thënë Xavi.
Hera e fundit kur Barcelona kishte luajtur në Europa League ishte viti 2003/04, një vit para se Lionel Messi të futet në ekipin e parë dhe që nga ajo kohë, Barça ka qenë e frikshme në Champions League.
Discussion about this post