Xavi për Bayern Munich: Nuk na duhet një mrekulli, mund ti përballojmë të gjithë

Barcelona këtë të mërkurë do të përballet në transfertë me Bayern Munich në ndeshjen e vlefshme për fazën e grupeve në UEFA Champions League.

Në vigjilje të kësaj ndeshje, ka folur trajneri katalanas Xavi, i cili ka konfirmuar se nuk është e nevojshme një mrekulli për ta fituar këtë përballje.

“Është në duart tona dhe ne do t’i japim gjithçka që kemi. Pas ndeshjes, do të shohim”, ka thënë fillimisht Xavi.

“Nuk e shoh si një mrekulli. Është një ndeshje dhe ne mund të mposhtim çdo kundërshtar. Duhet të jemi të durueshëm. Ky proçes nuk ndodh brenda natës”.

“Ne kemi një provë kundër një kundërshtari që ka qenë më i mirë se ne në takimet tona të fundit”.

Takimi tjetër i grupit e ka impakt direkt në të ardhmen e Barcelonës në këtë garë, pasi nnese Benfica nuk ia del të triumfojë kundër Dinamo Kievit, rezultati në ‘Allianz Arena’ nuk ka vlere pasi nuk i ndryshon pozitat.

“Nëse nuk fitojmë, ne jemi të varur nga ajo lojë. Dua të mendoj se është më e rëndësishme të mbështetemi te vetja sesa te të tjerët”, përfundoi trajneri i Barcelonës.