Deputeti i PS, Famtir Xhafaj ka folur në emisionin “Opinion” për çështjen “Babalja” pas dënimit me një vit burg të Ervin Salinjit. Pas gjashtë vjetësh, vëllai i trafikantit të drogës del dhe flet për dëmet që i paska bërë denoncimi publik i kësaj çështjeje.
Pse është dënuar Salianji kur nuk ka bërë kallëzim penal, por vetëm denoncim publik, e pyeti gazetari Fevziu. Xhafaj u mundua te bënte ekspertin dhe të justifikonte vendimin e pajustifikueshëm. Sipas tij, deputeti u dënua për “fabrikim” provash.
Dhe pasi ka mbaruar me “vërtetimin” e provave të fabrikuara për vëllanë trafikant, Xhafaj kalon tek “qëllimi”. Duhet të bësh shkollë për avokat i tha Fevziut. Më tej ai vazhdoi të bënte avokatin e vëllait të vet.
Sipas tij, nuk ka qenë gazetari Jetmir Olldashi që i dha përgjimin e pretenduar ndaj vëllait të tij Ervin Salinjit, por ky i fundit ia ka dhënë gazetarit.
Deputeti i PS, vëllai i të cilit vuajti më pas dënimin me burg në Itali, zbuloi dhe detaje të tjera të cilat sipas tij, zbulojnë të vërtetën e përgjimit të pretenduar.
“Babalja” sipas këtyre është vetëofruar sipas meje është ofruar nga te tretë të PD. I është besuar kjo gjë Ervin Salinjit. Nuk është Jetmri Olldashi që ia ka dhënë Salinjit “babalen”, por ka qenë Salianji që ia ka dhënë Olldashit.Olldashi ka punuar gazetar të emisioni i kolegut tuaj Ylli Rakipi. Rrugës për në Vlorë ai ka bërë një intervistë në makinë me dikë që quhet “Babale”. Ka pretenduar sikur ai i ka dhënë atij një stilolaps dhe ka hyrë pesë minuta në lokalin ku ishte vëllai im dhe ka dalë sikur e ka përgjuar. Ka qindra orë përgjime për këtë çështje. Kanë qenë në përgjim këta pasi shpërtheu kjo çështje”-tha me mburrje Xhafaj.
Më tej gazetari e pyeti, a vazhdon merret vëllai me trafik droge?
“Im vëlla nuk ka pasur precedent penal”, gënjeu hapur Xhafaj. Ai sulmoli opozitën se ka 22 vjet që e sulmon për vëllain, ndërkohë që u hoq si viktimë politike e këtij rasti.
Pjesë nga intervista:
A keni ju influencues, insistues apo njeriu që keni lëvizur fijet për të futur në burg Ervin Salianjin?
Fatmir Xhafaj: Së pari më lejoni të them që kjo është hera e parë që flas pas 6 vitesh në një emision televizive. Është hera e parë që flas për këtë gjë. E rëndësishme për mua në këtë proces ka qenë e vërteta. Kam pritur 6 vjet që të zbardhet e vërteta jo sipas meje, por sipas drejtësisë. Kam pritur me qetësi të dyja shkallët e gjykimit dhe që drejtësia të bënte punën e vet.
Drejtësi e influencuar apo e painfluencuar?
Fatmir Xhafaj: Unë nuk do të doja të shihja një politikan në burg për kallëzim të rremë. Por nga ana tjetër qëndron fakti që ka ndodhur, që është shumë e rëndë, më shumë se dënimi i një personi. Për efekt të dramës njerëzore që ka krijuar, por edhe modelit, shembullit dhe efektit që ka në politike dhe shoqëri.
Sa drama politike mund të ketë patur në Shqipëri? Pse duhet të ketë dy standarde?
Fatmir Xhafaj: Nuk ka dy standarde. Ky është një shembull i mirë që kur krijon prova të rreme, me qëllim që të filloj një ndjekje penale, me qëllim për të akuzuar dikë duhet të përgjigjesh me kallëzim të rremë. Ka 6 vjet që çfarë nuk dëgjoj për këtë histori, kam të drejtë morale, në emër të familjes sime, mbi të cilës janë hedhur baltë dhe janë vrarë shpirtërisht për fakte të pavërteta.
Dua të bëj një sqarim me interes për publikun. Ervin Salianji nuk është dënuar sepse tha publikisht se vëllai im ka patur një dënim penal, as sepse tha se vëllai nuk është duke e vuajtur atë moment. Por është dënuar se me qëllim ka prodhuar prova të rreme, për iniciuar një proces penal për vëllain tim me synimin për të më goditur mua si politikan dhe si ministër i brendshëm në atë kohë.
Discussion about this post