Xhafaj kritika mazhorancës: Kuvendi nuk është vend ku bëhen qoka

Seanca e sotme parlamentare në Kuvend është shoqëruar me debate të forta. Në fokus të diskutimeve është integrimi europian i Shqipërisë.

Në fjalën e tij ish-ministri i Drejtësisë, Fatmir Xhafaj, tha se Kuvendi nuk është noter i legjislativit dhe vend ku bëhen qoka, por hapësira  e vetme kushtetuese për mbështetjen e monitorimin e strukturave të reja të drejtësisë.

“Duhet ti’ lexojmë mirë adresimet e rekomandimet e BE. Roli i Kuvendit thelbësor sa i përket integrimit dhe drejtësisë.

Kuvendi nuk është noter i legjislativit dhe vend ku bëhen qoka, është hapësira  e vetme kushtetuese për mbështetjen e monitorimin e strukturave të reja të drejtësisë.

Përgjegjësia kryesore, i mbetet institucioneve të drejtësisë.

Qytetarët në këtë ligësi të ngritur ndaj procesit, kanë të drejtë të informohen mbi te drejtën e se ç’po ndodh me drejtësinë e re. Koha që institucionet e reja të drejtësisë dhe drejtuesit të ofrojnë transparencë llogaridhënie e besim. Nuk duhet ta duam drejtësinë si pjesë e një regjistri ku shënojmë emrin për të hyrë në BE.  Drejtësia shpresa kyçe për të bërë shtetin e të drejtës”, tha Xhafaj.