Kryetari i Kuvendit maqedonas, Talat Xhaferi, ka thënë për MIA-n se do ta ndjek vendimin e ministrave të propozuar nga BDI dhe do të tërhiqet nga posti nëse VMRO-DPMNE votojë për amendamentet kushtetuese.
“Pse të insistoj të qëndroj nëse të gjithë të tjerët ikin”, thotë kryeparlamentari Xhaferi.
Për zgjedhjet parlamentare, ai thotë se ato duhet të zhvillohen në slot të rregullt dhe nuk ka pse të mos jetë kështu.
I pyetur nëse zgjedhjet e parakohshme do ta ndihmonin BDI-në që të mbajë më shumë vota, kryeparlamentari thotë se për këtë vendosin organet e partisë.
“Me sa di unë, BDI-ja është duke e përkrahur sistemin e një mandati katërvjeçar. Mirëpo, deklarata e djeshme është në kuadër të rezultatit të takimit të liderëve mes kryeministrit dhe liderit të opozitës. Parakusht i opozitës ishte që BDI të daljen nga Qeveria, të cilën e pranuam menjëherë, me qëllim të miratimit të amendamenteve kushtetuese”, thotë Xhaferi.
Lidhur me marrëveshjen e tij me lëvizjen e BDI-së, kryeparlamentari thotë se do ta ndjekë vendimin nëse do të përfitonte nga kjo ide.
Discussion about this post