Xhaka akoma më pranë firmës me nën-kampionët e Europës

Mesfushori i Arsenalit, Granit Xhaka shumë shpejt do të shpallet zyrtarisht si një nënshkrim i ri për Bayer Leverkusen, raporton Fabrizio Romano.

Xhaka ra dakord për kushtet personale me 1-herë finalistët e UEFA Champions League muajin e kaluar, por transferimi u vonua sepse ‘Topçinjtë’ donin të siguroheshin që Declan Rice do të zgjidhte t’i bashkohej Arsenalit në vend të Manchester City-t.

Granit Xhaka kaloi 7 vite në “Emirates”. Gjatë kësaj periudhe të gjatë, ai pati edhe ulje dhe ngritje me ‘Topçinjtë’.

Madje Xhaka ishte afër largimit kur Unai Emery ishte trajner i Arsenalit pasi u përplas me tifozët, por kjo nuk ndodhi, pasi Mikel Arteta arriti të qetësonte gjërat pas mbërritjes së tij.