Granit Xhaka ishte një nga emrat më të diskutuar gjatë merkatos që u mbyll. Ndërsa rinovoi me Arsenalin dhe u duk se kapiteni do vazhdonte të ishte pjesë e rëndësishme e ‘The Gunners’, tashmë lajme të reja vijnë për të ardhmen e mesfushorit me origjinë shqiptare.
Mediat britanike raportojnë se në drejtim të Arsenal ka arritur një ofertë nga Juventus dhe duket se bëhet fjalë për një shkëmbim.
‘Zonja e Vjetër’ dëshiron të marrë Xhakën në Serie A duke iu ofruar “Topçinjve” mesfushorin amerikan, Weston McKennie.
Massimiliano Allegri, trajneri i Bardhezinjëve të Italisë nuk e preferon amerikanin, ndërsa Xhakën e sheh si një përforcim ideal për qendrën e mesfushës.
Ndërsa rikujtojmë se 27-vjeçari shqiptar ka firmosur kontratë të re me Arsenalin, e cila e lidh atë me skuadrën e Premier League deri në vitin 2024, teksa gjatë verës u kërkua me këmbëngulje edhe nga Roma e trajnerit Jose Mourinho./K.T/Gijotina.com
