Granit Xhaka do të humbasë kualifikueset e Zvicrës për Botërorin ‘Qatar 2022’, pasi ka rezultuar pozitiv me Covid-19.
ky lajm është bërë publik nga federata zviceriane në një njoftim për mediat, ku thekson se kapiteni i tyre u la jashtë sfidës me Greqinë, pasi shfaqi disa simptoma të virusit.
Më pas në testin PCR ai rezultoi pozitiv, duke humbur kështu kualifikueset e këtij Botërori.
“Xhaka u diagnostifikua me simtoma në mëngjes dhe u izolua menjëherë në dhomën e tij. Një test i shpejt doli negativ, ndërsa testi PCR rezultoi pozitiv në mbrëmje. Xhaka qëndroi jashtë kontaktit me shokët e ekipit gjatë gjithë ditës. Ai do të bëjë një tjetër test të enjten. Mjeku i kantonit në Baselland nuk vendosi asnjë masë të mëtejshme për ekipin, pasi lojtarët e tjetër në Kombëtaren zviceriane ose e kanë kaluar covidin ose janë të vaksinuar. Edhe një anëtar i stafit duhej të futej në karantinë.”-thuhet në njoftimin e federatës zviceriane./Gijotina.com
