Kapiteni i Arsenalit, Granit Xhaka ka lënë të kuptohet se dëshiron të bashkohet me Jose Mourinhon te Roma, por italianët nuk kanë arritur akoma marrëveshje me ‘The Gunners’
Gjigandët e Serie A kanë qenë në bisedime të avancuara me anglezët për disa javë tani, por të dyja palët nuk kanë arritur një marrëveshje mbi çmimin e lojtarit.
‘Sky Sport Italia’ dhe ‘La Gazzetta dello Sport’ raportojnë se Roma ka ofruar 15 milionë euro bonus, por Arsenali kërkon të paktën 20 milionë euro. Sipas ‘La Gazzetta dello Sport’, çmimi i kërkuar nga ‘Topçinjtë’ është saktësisht 23 milionë euro.
Roma tashmë ka rënë dakord për kushtet personale me kapitenin e Zvicrës, i cili pritet të nënshkruajë një marrëveshje 4-vjeçare, për një pagë prej 2.5 milionë euro në vit dhe ka informuar ‘Topçinjtë’ se ai dëshiron të transferohet në Romë.
Shqiptari gjithashtu ka lënë shumë sinjale në rrjetet sociale, duke pëlqyer pothuajse çdo postim të Jose Mourinho në ‘Instagram’ këtë verë./Gijotina.com
