Fitorja e Zvicrës së Granit Xhakës dhe Xherdan Shaqirit ndaj Serbisë duket se nuk e ka impresionuar kryeministrin Edi Rama. Gjithashtu kryeministri nuk reagoi as për lajmet që qarkullojnë në rrjet se Xhaka mund të hetohet nga FIFA për fanellën e veshur pas ndeshjes.
Lidhur me këtë situatë, kryeministri Edi Rama u pyet nga gazetarët se pse nuk ka reaguar, në një moment ku FIFA duket se po vepron me dy standarde pasi nuk po heton serbët për thirrjet e tyre shoviniste.
Rama tha se nuk e pa të nevojshme të kishte një reagim, ndërsa tha se sipas tij do të jetë FIFA ajo që do të vendos për situata të tilla.
“Nuk jam kryeministri i Zvicrës, por i Shqipërisë. Nëse do ndaja dy shqiptarët që ne i shohim me dashuri dhe simpati të madhe. Çfarë do të bëja? Do ti përdorja për politikë. Dhe në një mënyrë aspak dinjitoze. Do t’i fryja zjarrit të një nacionalizmi qesharak. Nacionalizimi është sa qesharak edhe i rrezikshëm. Nuk është e nevojshme. Nuk e shoh të nevojshme dhe kush e bën këtë më vjen keq. Nuk mund të shkëputen dy shqiptarë që janë qytetarë të një shteti si Zvicra. Dhe nuk mund të përdoren si mish për top për një lojë luftash ballkanike. Sa i përket sanksioneve lidhen me politikën e FIFA-s. E dini shumë mirë që është politikë strikte për të mos cënuar kuadrin sportiv nga asnjë lloj nuance politike,“ tha Rama.
Lexo edhe: Rama zbulon detaje nga telefonata me Rishi Sunak: Mund të vijë në..
Discussion about this post