Prej javësh ka qarkulluar lajmi se Xhensila Myrtezaj dhe Bes Kallaku janë në pritje të fëmijës së dytë.
Ndonëse çifti nuk i komentuan asnjëherë këto raportime, së fundmi Xhensila ka konfirmuar se është shtatzënë për herë të dytë.
Krijuesja e hitit “Vespa” ka uruar vajzën e saj Ajka për ditëlindjen e pestë në një video emocionale ku shihet pranë saj dhe Besit.
Në një moment gjatë videos të filmuar në bregdet, Besi dhe Ajak shihen duke përqafuar barkun e këngëtares, një gjest ky që përdoret për të zbuluar shtatzëninë.
“Masa e gjithçkaje je o Ajka jonë. 5 vite dritë qiellore në sytë tanë”, ka shkruar Xhensila në urimin për të bijën e saj.
Xhensila krahas përkushtimit ndaj familjes, po vazhdon të jetë e angazhuar edhe me projekte muzikore dhe koncerte.
Kënga e fundit nga artistja është bashkëpunimi që solli me reperin Majk “T’i fala”.
Discussion about this post