Dy të rinj kanë rënë në prangat e policisë në Berat pasi janë kapur duke shpërndarë drogë të llojit kanabis dhe heroinë.Burime zyrtare nga policia bëjnë me dije se mëngjesin e sotëm janë arrestuar personat e identifikuar me iniciale F.M. 25 vjeç dhe A.M. 35 vjeç, të dy banues në Kuçovë dhe të dënuar më parë për veprën penale “Prodhimi dhe shitja e lëndëve narkotike”.
Arrestimi i tyre u bë pasi janë kapur në flagrancë nga shërbimet e Policisë, duke shpërndarë lëndë narkotike, në lagjen “Llukan Prifti” të Kuçovës, ndërsa në cilësinë e provës materiale, atyre iu janë sekuestruar doza me lëndë narkotike heroinë, lëndë narkotike cannabis sativa, fara cannabis sativa dhe metadon.
Të rinjtë pritet të përballen me akuzën për këtë vepër penale.
Discussion about this post