Historiani Erald Kapri ka publikuar një fotografi të rrallë të Mbretit Zog në Angli. I ftuar në emisionin “Now” në Euronews Albania, Kapri u shpreh se në foto duket Zogu që kishte marrë 50 mijë stërlina nga banka dhe i kishte vendosur në xhepin e mbrampë të xhaketës.
Sipas tij, kjo gjë i kishte rënë në sy edhe shtypit britanik të asaj kohe dhe fotoja ishte publikuar me titullin “King Zog Bulges”, ose ‘Gunga e Mbretit Zog’, pasi xhepat po i shpërthenin nga paratë.
“Është një foto e publikuar në shtypin britanik dhe titullohet “King Zog Bulges”, ose gunga e Mbretit Zog. Po të shikoni mbrapa në xhaketë, ka futur 50 mijë stërlina. Sa nisi Lufta e Dytë Mbretërore, udhëtoi me urgjencë nga Franca në Londër, qëndroi 6 ditë në Londër, vajti në bankë dhe i mori dhe i futi mbrapa. Po ta shikosh, xhepi i xhaketës po i shpërthen nga mbrapa. 50 mijë stërlina i mori dhe i futi mbrapa sepse nuk kishte besim as te nipërit që e shoqëronin”, theksoi ai.
Discussion about this post