Sulmuesi i Tiranës, Redon Xhixha ka analizuar fitoren e bardhebluve ndaj Teutës dhe më pas është ndalur tek derbi ndaj Partizanit ku kërkon mbështetjen e madhe të tifozëve.
“Fitorja ndaj Teutës është e rëndësishme për vazhdimësinë, duke marrë parasysh se është kampione në fuqi e kampionatit shqiptar. Shpresojmë të vazhdojmë me ecuri pozitive edhe në sfidat e tjerat.
Ishte një ndeshje mjaft e luftuar nga fillimi deri në fund. Nuk u dorëzuam deri në fund dhe arritëm të përmbysnim rezultatin që na gëzoi të gjithëve. Për sa i përket repartit të sulmit, i vetëm nuk është e vërtetë, edhe pse nuk ishte Seferi dhe Ngo. Nga ana tjetër ishte Hoti që bëri mjaft mirë. Me pasat e tij gjatë lojës më ka dhënë mundësinë që të dal dy herë para portierit.
Tifozët janë mbështetja më e madhe gjatë ndeshjes. Për shkak të COVID-it nuk kanë qenë një vit e gjysmë në stadium. Mendoj se dhe ata mezi po e presin derbin që të bëjnë kryeveprat e tyre ashtu siç i bëjnë gjithmonë. Dhe të festojmë të gjithë së bashku në fund të ndeshjes”, theksoi Xhixha.
