Xhixha trondit opinionin publik: Dumani tha se ka lidhje me ministra, prokurorë e deputetë!
Vazhdojnë hetimet seancat maratonë në Gjykatën e Posaçme Kundër Korrupsionit dhe Krimit të Organizuar ku sipas dëshmisë së re nga Besjan Xhixha, i penduari i drejtëisë u ka thënë se ka lidhje me ministra, porkurorë dhe deputetë.
Dumani nuk ishte i shoqëruar bashkë me të pandehurit e tjerë, ndërsa masa e sigurisë iu komunikua në orët e para të mëngjesit të së shtunës në ambientet e spitalit.
Nga 13 të arrestuarit e tjerë që kanë dalë përballë gjykatës dhe kanë dëgjuar akuzat e ngritura nga SPAK me dëshmitar kryesor Nuredin Dumanin, ka pasur reagim të fortë nga një prej të arrestuarve, Besjan Xhixha, 31 vjeç e cila mund të hapi një shteg të ri për hetimet.
Ndërkohë, në deklarimin e tij përballë togave të zeza, mesohet se Xhixha ka thënë se Nuredin Dumani pas çdo vrasjeje u jepte siguri se nuk do t’i ndodhte asgjë, pasi kishte lidhje me ministra, deputetë, prokurorë, madje duke theksuar edhe emra hetuesish.
Dëshmia e Besjan Xhixhës në gjyq:
“Nuredin Dumani ka kryer 12 vrasje. Pas çdo vrasje, na ka thënë se nuk më gjen asgjë, pasi ka lidhje me ministra, deputetë, prokurorë, madje më ka thënë që ka lidhje me prokurorin Altin Dumani. E ka njeriun e vetë dhe ndihej i mbrojtur. Dumani është strehuar më shumë sesa një vit e gjysmë në shtëpinë time dhe e njoh dhëmbë e dhëmballë, madje një dhemb prej floriri e kemi vendosur tek një i afërmi im, nëse doni shkoni e verifikoni. Dumani duhet të flasë për të gjitha krimet që ka kryer, nëse me të vërtetë është i penduar.”
Discussion about this post