Të arrestuarit kanë mohuar akuzat e prokurorisë dhe kanë kundërshtuar rrëfimet e Nuredin Dumanit, para SPAK.
Një prej tyre Besian Xhixha , ka thënë që Nuredin Dumani gënjen dhe është i gatshëm të bashkëpunojë me drejtësinë. Unë e di kush ka qëndruar me të gjyqtare dhe prokurore, deputet dhe politikan nëpër tavolina.
“E kam mbajtur më shumë se një vit në shtëpi dhe i di të gjitha. E kam shoqëruar gjithmonë. Gënjen ai. E kam shoqëruar gjithmonë. Nëse doni ju unë pendohem. Kam qenë shofer i tij. Na ka marrë në qafë. E di kush ka qëndruar me të. Gjyqtarë e prokurorë e deputetë në tavolina po deshët ju unë i them.” mësohet të ketë thënë Besian Xhixha . Mësohet se Besian Xhixha është banues në Larushkë të Krujës dhe pikërisht në banesën e tij Dumani është fshehur për më shumë se një vit.
Ndaj Nuredin Dumanit, një nga emrat më të përfolur të botës së krimit në Elbasan, tashmë i penduari i drejtësisë, rëndojnë 17 akuza. Dumani është arrestuar në maj të këtij viti pasi shkoi që t’i bënte një atentat, por në fshatin Papër në Elbasan, disa persona iu kundërpërgjigjën me armë duke e lënë të plagosur. Ndaj Nuredin Dumanit, rëndojnë akuzat për katër vrasje, vrasje të mbetura në tentativë e grup i strukturuar kriminal.
Discussion about this post