Një 45-vjeçar në Fier ka rënë në prangat e policisë pasi qarkullonte me armë zjarri. 45-vjeçari Gentian Tepelena, gjatë kontrollit të policisë rezultoi nën efektin e alkoolit. Sipas bluve, arrestimi i 45-vjeçarit erdhi pasi ai paraqiste rrezikshmëri për jetën e qytetarëve.
Bëhet me dije që gjatë kontrollit, 45-vjeçarit iu gjet 1 krehër me 7 fishekë brenda.
“Shërbimet e Komisariatit të Policisë Fier, në vijim të kontrolleve të pandërprera në automjete, ambiente të ndryshme, si dhe të kontrolleve fizike, në të gjithë territorin e qarkut, për parandalimin, evidentimin dhe goditjen e veprimtarisë kriminale të armëmbajtjes pa leje, bazuar dhe në informacionet e marra në rrugë operative se një shtetas nën efektin e alkoolit, qarkullonte me armë zjarri, kanë organizuar dhe finalizuar me sukses operacionin policor të koduar “Baruti”, si rezultat i të cilit u bë kapja dhe arrestimi në flagrancë i shtetasit:
-G. T., 45 vjeç, banues në Fier, për veprën penale “Mbajtja pa leje e armëve, armëve shpërthyese dhe i municionit”, pasi gjatë kontrollit fizik nga shërbimet e Policisë, iu gjet dhe iu sekuestrua një armë zjarri pistoletë me fishek në fole dhe 1 krëhër me 7 fishekë në të.”-njofton policia.
Discussion about this post