Protagonistët kryesorë të futbollit në Shqipëri, ata të cilët shkëlqyen përgjatë vitit që lamë pas do të kenë mundësinë të vlerësohen për performancën e tyre.
FSHF organizon mbrëmjen gala ku do të shpërndahen disa çmime duke nisur nga “Topi i Artë” për meshkuj dhe futbollin e vajzave, trajnerin e vitit, talenti i 2022 si dhe arbitri më i mirë.
Në garën për “Topin e Artë në futbollin e meshkujve janë Xhuliano Skuka, Redon Xhixha dhe Mentor Mazrekaj, tek vajzat Sara Maliqi, Esmeralda Franja dhe Megi Doçi. Sa i përket trajnerëve, emrat e nominuar janë Mirel Josa, Shpëtim Duro dhe Orges Shehi.
Ndër të tjera, do të përzgjidhen dhe talentet e vitit në futboll. Në garë janë Arinaldo Rrapaj, Simon Simoni dhe Rejan Alivoda. Në anën tjetër, Rosela Vasa, Gelda Kadiolli dhe Xhesika Ndoj.
Një çmim vlerësimi do të ketë dhe për gjyqtarin më të mirë, njëri mes Juxhin Xhajës, Eldorian Hamitit dhe Enea Jorgjit. Po ashtu do të shpërndahen dhe çmimet “Këpuca e Artë” për golashënuesit, ndërkohë nuk do të mungojë as formacioni i vitit.
Mbrëmja gala do të zhvillohet më 27 janar në Teatrin Kombëtar të Operas dhe Baletit dhe do të nisë në orën 19:00.
Discussion about this post