Ylli Limani është kthyer tashmë në një ndër artistët më të dëgjuar dhe të pëlqyer nga publiku shqiptar, të cilët janë gjithmonë në pritje të ndonjë projekti të ri që ai mund të lançoj. Kjo është ditë me fat për fansat e këngëtarit pasi, me anë të një story në Instagram, Ylli Limani ka zbuluar lajmin e mrekullueshëm për albumin e ri.
Artisti nuk ka zbuluar detaje të mëtejshme se kur do të publikohet albumi apo nëse pjesë e tij do të jetë ndonjë artist tjetër, por ka shkruar: “Nuk mund të pres dot deri sa ta dëgjoni këtë album”.
Ylli Limani është një ndër artistët më të pëlqyer. Ndër vite, këngëtari ka sjellë mjaft hite dhe ka bashkëpunuar me emra të rëndësishëm të estradës. Ai është mjaft aktiv në muzikë dhe projekti më i fundit ishte dueti me Elvana Gjatën, që rezultoi të ishte hiti i verës që lamë pas.
