Shumë prej artistëve shqiptarë përveç bashkëpunimeve në këngë ruajnë edhe raporte të mira miqësore me njëri-tjetrin.
Ata janë mjaft aktivë në rrjetet sociale ku përveç projekteve muzikore apo koncerteve, publikojnë shpesh edhe video për të qeshur nën shoqërinë e njëri-tjetrit.
Kështu ka bërë së fundmi këngëtari Yll Limani, i cili njihet për postimet e tij për të qeshur nën shoqërinë e miqve të tij të njohur. Së fundmi ai publikoi një video në Instastory ku shihet në makinë me reperin Don Xhoni.
Gjatë video Yll Limani shprehet: “Pas koncertit sonte ky ka ardhur me njerëzit e tij dhe më ka marrë mund të them peng. Ndihmë, më ndihmoni”, ndërsa Don Xhoni thotë me zë të lartë se ai po gënjen. Më pas dyshja vijojnë të qeshin me shakanë e tyre, ndërsa reperi ka ripostuar videon me mbishkrimin “Djali im”, shoqëruar me një zemër.
Kjo nuk është hera e parë që Don Xhoni shpërndan video të tilla në rrjete sociale.
Discussion about this post