Ylli i Atalantës bie pre e hajdutëve

Hajdutët janë duke bërë kërditë në shtëpitë e personazheve të futbollit, teksa së fundmi mësohet se pre e tyre ka rënë Luis Muriel.

Ndërsa ai ishte me Atalantën në ndeshjen e Champions League kundër Villarreal, të cilët e humbën dhe u eliminuan nga kampionati më i rëndësishëm për klube.

Si të mos mjaftonte kjo humbje dhe mërzitje, lojtari është gjendur edhe përballë një episodi aspak të këndshëm kur ka arritur në shtëpi.

Kolumbiani  ka kuptuar se në shtëpinë e tij mungonte një orë luksoze dhe sende të tjera me vlerë. Më pas Muriel ka lajmëruar policinë, që ka nisur hetimet për ngjarjen e ndodhur.

Ndërsa së fundmi edhe lojtarë të tjerë si Arturo Vidal kanë rënë pre e vjedhjeve të tilla./K.T/Gijotina.com