Samuel Umtiti prej dy sezonesh e ka humbur vendin e titullarit tek skuadra e Barcelonës. Trajneri Umtiti nuk e konsideron në planet e tij ndërsa largimi nga Spanja konsiderohej si mëse i sigurt në merkaton verore. Por një mbledhje shumë e çuditshme në klub vulosi fatin e tij dhe qëndrimin e mëtejshëm të mbrojtësit që u shpall Kampion Bote me Francën, në radhët e katalanasve edhe për një tjetër sezon në pritje të momentit për të treguar se sa vlen. Referuar mediave spanjolle në gusht Laporta priti lojtarin në zyrën e tij, pasi mbrojtësi kishte kërkuar që të sqarohej kjo situatë një herë e përgjithmonë.
Presidenti kishte filluar ashpërsisht të kritikonte lojtarin, në praninë e 2 drejtuesve të tjerë të klubit. Më pas lojtari i komunikoi presidentit se faji i dëmtive të tij ishte edhe neglizhenca e mjekëve teksa futbollisti shpërtheu në të qara.
Takimi u mbyll me një përqafim mes palëve dhe ai ishte momenti kur u vendos që Umtiti të vazhdonte te Barcelona.
