Ylli i kombëtares së Gjermanisë, Gnabri ka paralajmëruar Maqedoninë për duelin e kualifikueseve të kampionatit botëror. Ai ka theksuar se pancerat do të marrin hak për humbjen që pësuan ndeshjen e parë.
“Sigurisht që humbja në ndeshjen e parë na dhemb ende, por tani do të jetë diçka tjetër, kemi ndryshuar shumë nga ajo sfidë dhe shpresoj që ta tregojmë dhe në fushën e lojës. Një fitore do të na afronte më shumë drejt Botërorit.
Kur sheh se në skuadër ke shumë lojtarë cilësorë është e vështirë për të mos e quajtur veten favorit. Por në fillim duhet të sigurojmë vendin aty dhe pastaj të flasim për këtë gjë. Gjermania e ka vendin në majë dhe për këtë jemi duke punuar të gjithë. Tifozët meritojnë më shumë. Në ndeshjen e fundit ata ishin lojtari ynë i 12-të. Shpresoj që me ndihmën e tyre të shkojmë shumë larg.
Kemi shumë potencial në atë repart. Nëse do të ishte ndryshe atëherë më mirë t’i merrnim valixhet dhe të shkonim në shtëpi. Sigurisht që ka ende gjëra që duhet t’i bëjmë më mirë. Në ndeshjen e fundit bëmë shumë mirë duke treguar që mund të dalim pa problem nga çdo situate.
Mendoj që është i duhur, trajneri është shumë kërkues në detajet e vogla që në fund rezultojnë më të rëndësishmet. Për fat të mirë, gjysma e skuadrës e njeh që nga koha kur drejtonte Bajernin, kjo e bën më të lehtë punën në stërvitje”, tha Gnabri.
