Me këtë ambient kaq të tensionuar, nuk janë premisat për një fushatë pozitive në Euro 2024, sidomos pas dështimit në Botëror si dhe faktit që miqësoret nuk kanë bindur aspak.
Njëri nga lojtarët kryesorë të Gjermanisë, ka menduar “shumë mirë”, që të hedhë një “kunj” ndaj tifozëve të kombëtares gjermane, fajtorë, sipas tij, për dështimin në Katar.
“Përpara nisjes së Botërorit Katar 2022, ne nuk kishim aq shumë mbështetje nga tifozët tanë. Sigurisht që arsyet janë të ndryshme, kishte arsye të tjera.
Por nga pikëpamja futbollistike nuk kishim mbështetjen e duhur. Ne ishim me të vërtetë vetëm…
Kur pamë mbështetjen që kishin Kombëtaret e tjera nga tifozët e tyre, aty e ndjeva se neve na mungonte disi tifozllëku i gjermanëve”, u shpreh 24-vjeçari Kai Havertz.
Kombëtarja e drejtuar nga Hansi Flick, dështoi keq në Kupën e Botës së fundit, duke mos arritur të kalojë fazën e grupeve. Me Spanjë dhe Japoninë që u kualifikuan më tej.
Tashmë pritet një reagim nga ana e tifozëve ndaj futbollistit të Arsenalit. Europiani është ende larg e për këtë arsye, të gjithë në Gjermani shpresojnë që të gjithë të bëhen një, për të fituar trofeun madhor europian.
Discussion about this post