Tashmë loja në “Big Brother VIP” ka shkuar në një pikë ku çdo teleshikues ka krijuar preferencat e tij, megjithatë hyrjet e reja nuk mungojnë.
Pas më shumë se 60 ditësh izolim, duket se personazhe të tjerë do të bëhen pjesë e shtëpisë më të famshme.
Ose të paktën këtë na la të kuptojmë një postim i ngacmues i aktorit të mirënjohur, Elvis Pupa.
Si fillim, me anë të një shkrimi në Instagram ai pyeti ndjekësit që e kanë pritur kaq kohë të rikthehet në ekran, se ku do të dëshironin ta shihnin.
“Respekte!
Për të gjithë ju që më keni shkruar në inbox dhe më pyesni “Kur do të të shohim prapë live?”
Meqë “Plumbi del me plumb”, unë po i përgjigjem pyetjes me pyetje:
Ku do kishit qejf të më shikonit tani afër, jo në rol por live, kështu “si natyra më krijoi”:
Te marketi i lagjes?
Në autobusin e unazës?
Apo në ndonjë reality-show…?
Më thoni, që t’ju them.”
Ndërsa më pas ai bëri një postim në InstaStory, ku duket se ka konfirmuar pjesmarrjen e tij në Reality Show.
“A do të donit më shumë të qeshura në BBV Albania?”- ka shkruar aktori.
Kujtojmë se prej më shumë se 10 vitesh Elvis Pupa është larguar nga “Portokalli” dhe rreth 5 vite më parë ai është shkëputur totalisht nga ekrani.
Por ai nuk mungon në rrjetet sociale, aty ku ndiqet nga më shumë se 100 mijë persona dhe ndan video të shumta humori edhe krah bashkëshortes së tij e cila duket se i përshtatet në karakterin e tij.
Elvis Pupa dhe Belina Pupa i dhanë fund beqarisë në fillim në shtator të 2010 për të vazhduar jetën e tyre në SHBA ku edhe jetojnë prej vitesh.
Discussion about this post