Juventusi po kalon një periudhë tranzicioni dhe kjo është reflektuar qartë në rezultatet në fushë. Bardhezinjtë i kanë financat e cunguara dhe merkatoja nuk ishte në pritshmëritë e larta. Edhe sesioni i ardhshëm i merkatos nuk pritet të ketë surpriza teksa rekordmenët italianë me shumë mundësi do të arkojnë një shumë të majme nga largimi De Ligt.
Holandezi pritej që të ishte titullar i padiskutueshëm, por për t’u ruajtur nga çdo e papritur, Raiola insistoi dhe vendosi një klauzolë largimi që hynte në fuqi që në vitin 2022. Kushdo që kërkon De Ligt, nga vera e ardhshme mund ta blejë atë për 150 milionë euro.
Një shifër e majme por skuadra si PSG, Barcelona apo Real Madrid janë të gatshëm ta paguajnë. Allegri i ka dhënë prioritet dyshës Kelini-Bonuçi në sfidat kryesore dhe kjo ka rritur pakënaqësinë tek mbrojtësi holandez që mund të kërkojë destinacione të reja.
