Futbollisti i skuadrës së Kastriotit, Lukman Husein ka kërcënuar rivalin e ardhshëm të krutanëve, Egnatian. Ai është i bindur se skuadra e trajnerit Ramadan Ndreu do të fitojë pikët maksimalë në Rrogozhinë.
“Mora një goditje me Tiranën që më detyroi ta lija lojën në pjesën e dytë, megjithatë gjatë këtyre ditëve kam kryer dy seanca terapie në ditë në mënyrë që të rikthehem sa më shpejt në fushë. Shpresoj që të bashkohem me grupin për të qenë i gatshëm për ndeshjen me Egnatian. Normalisht që është një kundërshtar i vështirë pasi ka marrë lojtarë të mirë dhe ka një grup cilësor, megjithatë edhe Kastrioti ka më shumë cilësi dhe kam besim që Kastrioti do t’ia dalë të marrë maksimumin”.
