Lojtari i Napolit, Adam Ounas ka kaluar momente tmerri, ndërsa ka rënë pre e grabitësve. 25-vjeçari algjerian po bëhej gati për t’i nisur drejt Milanos, për ndeshjen kundër ‘Djalit’ kur është sulmuar dhe grabitur në banesën e tij nga persona të armatosur.
Sipas “Corriere dello Sport” që ka rindërtuar skenën e ngjarjes sulmuesi u grabit nga dy kriminelë me armë, që u futen me një skuter në garazhin e shtëpisë së tij në Posillipo. Ai është detyruar t’u dorëzojë para dhe bizhuteri në një vlerë totale prej 4500 eurosh.
Kjo ngjarje tronditëse për Ounas ndodhi momentin e kthimit të tij nga stërvitja e zhvilluar në Castel Volturno. Autorët kishin planifikuar gjithçka në detaje, duke e sulmuar pikërisht në momentin që do të futej në banesë.
Ndërsa nga tronditja e pësuar, 25-vjeçari nuk udhëtoi me skuadrën për ndeshjen kundër Milan./K.T/Gijotina.com
Discussion about this post