Ndërkohë që Reali i Madridit, ka disa ditë që ka nisur përgatitjet për sezonin e ri, jo të gjithë futbollistët e klubit mbretëror, janë paraqitur në Valdebebas.
Nga Vinicius, Rodrygo, Militao e Camavinga që po stërviten në mënyrë të personalizuar në Rio de Zhaneiro deri te “Gjirafa” e ekipit, Thibout Courtois, i cili vazhdon pushimet në plazhet e Oqeanit Paqësor, ka dhe kush gjen mënyra nga më origjinalet për të mbajtur veten në formë.
Rasti në fjalë është i futbollistit nga Zadari, Luka Modric, i cili, përpara se të udhëtojë drejt Valdebebas, ka vendosur që të marrë pjesë, në një turne tenisi. Normalisht, nuk bëhet fjalë për ndonjë event “Masters” përkrah mjeshtërve të këtij sporti, por thjesht për një event bamirësie të organizuar në Kroaci, nga Marin Cilic, legjendë e tenisit.
Foto, të mesfushorit janë bërë publike, teksa “Luka i madh” përgatitet për të shërbyer për startin e lojës. Duhet thënë se dhe në këtë sport, Modric nuk është keq. Mbetet për t’u parë nëse, pas futbollit, Modric do të provojë një aventurë në tenisin profesionist, njësoj si legjenda e Milanit, Paolo Maldini./m.b /gijotina.com
Discussion about this post