Taylor Lautner, i njohur për rolin e Jacob në filmin “Twilight”, është fejuar me të dashurën Tay Dome.
Lajmin e bëri të ditur vetë aktori, i cili postoi edhe disa foto nga momenti romantik në Instagram.
Siç mund ta shikojmë edhe në foto, Taylor është ulur në gjunjë dhe po e shikon të fejuarën e tij me dashuri, ndërkohë që dhoma është e zbukuruar me trëndafila dhe qirinj.
Lautner shkroi bashkangjitur me fotot e ëmbla: “Mezi pres të kaloj jetën përgjithmonë me ty @taydome Ti më do pa kushte. Ti më duron. Më qetëson kur jam në ankth. Më bën të qesh shumë. çdo ditë e kaluar me ty është kaq e veçantë. Dhe më e rëndësishmja, ti më bën një person më të mirë. Nuk mund të të falënderoj sa duhet për atë që ke sjellë në jetën time. Të dua përgjithmonë.”
Taylor Lautner dhe Tay Dome, e cili punon si infermiere e licencuar, dolën publikisht me lidhjen e tyre në vitin 2018, kur ai postoi një foto të çiftit me kostume të ngjashme të Halloween.
Që atëherë, ata i kanë mbajtur fansat të përditësuar për marrëdhënien e tyre përmes rrjeteve sociale, ku dyshja ndan shpesh foto së bashku.
Discussion about this post