Ish-ministrit i Drejtësisë Ylli Manjani është shprehur kundër vizitës se Aleksandër Vuçiç në Tiranë në kuadër të Ballkanit të Hapur. Nga protesta sot Kryeministrisë, Manjani deklaroi se kush nuk njeh Kosovën nuk është mik i shqiptarëve, ndërsa në çdo tryezë duhet të jemi të bashkuar.
“Nëse do të jesh mik me shqiptarët njih Kosovën dhe jemi miku jot. Nëse nuk e njeh Kosovën, të bëftë mirë peshku dhe rrugë të mbarë. Ne në fund të fundit nuk jemi mbledhur për ti zënë në gojë bukën mysafirit, por e kemi me të zotin e shtëpisë. A ma shpjegon dikush se çfarë është Ballkani i Hapur? Nuk mund të ecim më as me tru peshku as me tru gomari. Ne nuk e detyrojmë mikun të njohë Kosovën, por ne jemi në krah të Kosovës. Në çdo tryezë ne duhet të jemi në krah me Kosovën. Unë nuk jam patriot, jam shqiptar, e kur them shqiptar jam kosovar. Ne jemi një. Ky bulevard ka nevojë për doktorin e shpirtit të lirisë dhe prosperitetit të vendit”, tha Manjani, ndërsa nuk i ka kursyer kritikat ndaj kryeministrit Edi Rama.
Discussion about this post