Ish-ministri i Drejtësisë Ylli Manjani është shprehur kundër nismës së Partisë Demokratike për të krijuar një strukturë të re e cila do të bëjë vettingun e politikanëve.
Përmes një postimi në rrjetet sociale, Manjani ka shkëputur një fragment ligji të kreut të PD-së Lulzim Basha për vettingun duke shtuar se është duke risjellë në Kushtetutë praktikën e frontit demokratik të Enver Hoxhës. “Nëse këtë budallëk të tipit front demokratik e bëjnë ligj, qartësisht del se: Kush rri me Lul Bashën, të cilin gjykata nuk e dënoi për procedurë, duhet të dorëzojë mandatin. Në bazë të këtij ligji Basha është “Person i Përfshirë”. Ky është ligji idiot i partisë kryetari i së cilës mban vulën të varur te rripi i pantallonave. Turp, është pak”, shkruan ai.
Mes të tjerash Manjani shkruan se kryeministri Edi Rama e kishte tepër të lehtë të manipulojë kë të dojë, mes tyre edhe kreun e demokratëve i cili sipas tij e mbante vulën e partisë me vete kudo që shkonte.
