Mbrojtësi i skuadrës së Egnatias, Franc Ymeralilaj ka theksuar se grupi është në formë shumë të mirë dhe se ndaj Laçit skuadra do të kërkojë fitoren e radhës.
“Tek Egnatia po më dalin të gjitha fjalët e mira që më thanë në fillim. Jam në një ambient komod, ku mbështetja është e madhe nga drejtuesit dhe tifozët. Së fundmi, siguruam një fitore të bukur ndaj Kastriotit. Së bashku me shokët e tjerë luajtëm vetëm që të marrim pikët e plota dhe ia dolëm. Loja jonë po përmirësohet dukshëm.
Edhe ndaj Kastriotit fati ishte kundër, por në fund merituam fitore. U goditëm nga goli që i prishi pak ekuilibrat për disa minuta. Nuk u dorëzuam dhe arritëm qëllimin final. E meritonim të gjithë, pasi momenti i keq kaloi. Edhe në javën e ardhshme me Laçin do të kërkojmë që të mos e ndalim hapin”, theksoi mbrojtësi.
