Ambasadorja amerikane Yuri Kim ka dhënë një deklaratë për mediat pas përfundimit të procesit për zgjedhjen e ri të SPAK. Yuri Kim sqaroi arsyet se pse ka shkuar në Këshillin e Lartë të Prokurorisë, ku po zhvillohej prezantimi i kandidaturave.
Në një prononcim për mediat, ambasadorja tha se nuk ka asnjë mesazh të fshehur në praninë e saj në KLP. Sipas diplomates amerikane, ajo nuk shkoi në KLP për t’i treguar prokurorëve se kë të votojnë për kreun e ri të SPAK.
“E shoh që ka shumë teori konspirative që qarkullojnë. Dua të shpjegoj pse kam ardhur. Ky është një moment i rëndësishëm për reformën në drejtësi dhe SPAK. Erdha për të thënë saktësisht që ky është një moment i rëndësishëm. Erdha për të thënë se ajo që është e rëndësishëm për këtë tranzicion.
Nuk jam këtu për t’i thënë asnjërit se kë të votojnë. Nuk ka mesazhe të fshehta. SHBA ka qenë e drejtpërdrejtë me Shqipëri. Ju e dini faktin se unë nuk jam një person që i bëj gjërat e buta. Unë them atë që nënkuptoj. Përfaqësoj politikën e SHBA-së. Mbetet prioritet i SHBA-së që reformat ë zbatohet plotësisht. Është bërë shumë përparim dhe shumë njerëz meritojnë kredite për këtë, duke filluar me qeverinë e këtij vendi. Merita i shkon edhe opozitës dhe kritikëve që mbajnë qeverinë të ndershme”, tha Kim.
Discussion about this post