Ambasadorja amerikane Yuri Kim, në një postim në Tëitter shkruan se gjuha e dhunshme dhe denigruese ndaj grave, veçanërisht transmetuar në Parlament, është e papranueshme.
Sipas saj, udhëheqësit duhet të jenë të ndërgjegjshëm për shembullin që ata japin
“Duket e nevojshme të themi sot atë që kemi planifikuar për 25 nëntor (duke filluar 16 ditët vjetore të aktivizmit kundër dhunës gjinore). Gjuha e dhunshme, degraduese ndaj grave – veçanërisht e transmetuar në televizion nga Parlamenti – është e papranueshme. Udhëheqësit duhet të jenë të ndërgjegjshëm për shembullin që ata japin” – shkruan Kim.
Edhe pse nuk përmend emra në postimin e saj, reagimi i Kim është qartazi si kundërpërgjigje ndaj kryeministrit Rama, pasi ditën e sotme gjatë seancës plenare në Parlament, ai e ka ofenduar deputeten e Partisë Demokratike, Jorida Tabaku me fjalët “balonë tabakë”. Edhe kryetari i grupit parlamentar të PS, Taulant Balla i cili ka ofenduar deputet e opozitës, Jorida Tabaku dhe Grida Duma.
Discussion about this post