Në një intervistë për Zërin e Amerikës, ambasadorja e SHBA në Shqipëri, Yuri Kim ka folur në lidhje me shpalljen non-grata të ish-kryeministrit Sali Berisha, duke i dal në krah kreut të opozitës i cili është vënë nën sulmin e vazhdueshëm të analistëve dhe mbështetësve të PD, pas vendimit për largimin e liderit historik nga partia.
Yuri Kim thotë se kur sekretari i shtetit përcakton dikë për korrupsion domethënës kjo është shumë e dukshme. Kim shton se ata që thonë që janë të habitur nga ky përcaktim, nuk po tregohen të sinqertë.
“Mendoj se është e drejtë të thuhet që në shumicën e rasteve në momentin kur dikush përcaktohet nga sekretari i Shtetit për korrupsion domethënës, zakonisht është shumë e dukshme. Dha ata që thonë që janë të habitur, nuk po tregohen shumë të sinqertë” – thotë Kim.
Kujtojmë që Yuri Kim ka qenë e drejtpërdrejtë në lidhje me çështjen e Sali Berishës, e cila e ka kërkuar hapur largimin e tij nga Partia Demokratike.
