Amerika ende nuk ka një ambasador në Korenë e Jugut edhe pse është një post i rëndësishëm për marrëdhëniet dypalëshe. Seoul gjithashtu është një aleat i rëndësishëm i amerikanëve në gjeopolitikën e Azisë Lindore.
7 nga të emëruarit për ambasadorë të Biden janë konfirmuar që kur ai mori detyrën, ndërsa 63 janë të bllokuar në Senat. Koreja e Jugut bie në 25 pozicionet e mbetura që nuk kanë nominime.
Në kohën kur Biden mori detyrën, ambasadori atje, i cili ishte vendosur nga Trump dha dorëheqjen.
Gjatë verës u përfolën disa emra si kandidatë, por tashmë zërat u shuan.
Mediat në Korenë e Jugut shkruajnë se ambasadorja e SHBA-së në Shqipëri, Yuri Kim është përmendur gjithashtu për marrjen e postit.
Ende nuk dihet nëse Kim do të jetë kandidate për ambasadore, por në fund do të jetë presidenti Biden ai i cili do të vendosë.
Discussion about this post