Pas lajmit të dhënë ditën e sotme nga ambasadori Luigi Soreca se Shqipëria do të ketë një hartë të re të regjistrimit të pronës me një program të iniciuar nga BE, ka reaguar edhe ambasadorja e SHBA, Yuri Kim.
Kim e mbështet këtë iniciativë dhe thotë se zgjidhja e çështjes së pronës hedh themelet për një zhvillim më të madh.
“Zgjidhja e të drejtave të pronësisë do të hedhë themelet për një zhvillim më të madh, investime dhe barazi mundësish. Është e domosdoshme”, shkruan Kim në Twitter.
Shqipëria do të ketë një hartë të re të regjistrimit të pronës. Me 5.7 milion €, Programi “BE for Property Rights” do të përmirësojë sigurinë ligjore dhe do të promovojë më shumë investime të huaja. Ambasadori i BE Soreca e ka konsideruar si një reformë vendimtare për njerëzit dhe për integrimin e Shqipërisë.
