Tre ditë para Kuvendit të 11 dhjetorit të thirrur nga ish-kryeministri Sali Berisha, ambasadorja e SHBA, Yuri Kim i ka dërguar një tjetër mesazh ish-kryeministrit.
Duke marrë shkas nga Dita e Rinisë, ambasadorja Kim ka shpërndarë urimin e ambasadës duke i shtuar një mesazh personal të koduar për Berishën.
Kim shkruan në Twitter, se Amerika mbështet ndryshimin, duke bërë edhe njëherë thirrje për të ecur para, jo pas, referuar një rikthimi të mundshëm të Berishës në krye të PD.
“Amerika është ende me studentët e Shqipërisë në kërkesën tuaj për të qenë “si pjesa tjetër e Europës”. Jemi krenarë që jemi Aleati juaj në NATO dhe mbështesim Shqipërinë në BE. Duam që Shqipëria të jetë më e drejtë, më e fortë, më e pasur. Të vazhdojmë të punojmë së bashku për ta çuar Shqipërinë përpara dhe jo prapa, të zgjedhim të ardhmen në vend të së shkuarës”, shkruan Kim.
I menjëhershëm ka qenë reagimin i ish-kryeministrit që shkruan në facebook se “Foltorja është lëvizja më pro amerikane që nga dhjetori i 1990, e gjer më sot në Shqipëri”.
Discussion about this post