Ambasadorja e Shteteve të Bashkuara të Amerikës, Yuri Kim, vizitoi sot në zyrën e tij, drejtorin më të ri të policisë së shtetit, Gledis Nano.
Pas takimit me Nanon, ambasadorja amerikane në një deklaratë për mediat, u shpreh se objekt i diskutimit ishte mbështetja që SHBA ofron për shtetin shqiptar, përmes trajnimeve dhe pajisjeve, teksa në këmbim pret që ligjzbatimit t’i jepet rëndësia e duhur, duke mos lejuar të preket nga ndikimet e jashtme.
Gledis Nano theksoi se SHBA mbetet një partner i rëndësishëm për Shqipërinë,për të luftuar krimin në vend, pasi lufta e policisë nuk mund të bëhet kurrë vetëm.Duke garantuar se mbështetja e SHBA në trajnime, logjistikë dhe konsulencë nuk do të mungojë, Nano u shpreh se ka siguruar ambasadoren amerikane që strukturat e policisë së shtetit do të jenë në nivelet më të larta kundrejt krimit.
Në gusht të këtij viti ambasadorja amerikane, Yuri Kim vlerësoi me çmimin e veçantë, Gledis Nanon, në atë kohë drejtor i Antiterrorit, për bashkëpunimin me ambasadën amerikane në operacionet kundërr tërrorizmit.
Discussion about this post